تسجيل صوتي للعونيين في جزين : سنقطع يد كل من يقترع لبهية الحريري

تسجيل صوتي للعونيين في جزين : سنقطع يد كل من يقترع لبهية الحريري

- ‎فيالمحلية
90

حصل “ليبانون ديبايت” على تسجيل صوتي لجلسة في منزل مرشح التيار الوطني الحر سليم الخوري في المحاربية بين وفد من حزب الله برئاسة زيد ضاهر وعدد من رؤساء البلديات والمخاتير من منطقة جزين.

كان اللافت كلام لمختار قتالة الياس الحاج ( هو عضو في التيار الوطني الحر في جزين) يقول فيه بدنا نقطع ايدين كل واحد بيحط بهية . وكلام لرئيس بلدية كفرجرة مارون شلهوب ينقل فيه ما سمعه في لقاءات رافق فيها النائب بهية الحريري مما وصفه انتقاد قاعدتها الشعبية لإبتعادها عن القوات .

يقول مختار قتالة الياس الحاج مخاطبا مسؤول حزب الله زيد ضاهر : شيخنا ..يدنا بيدكم ..بتعرف شو عم نعمم.. مش فارقة معنا بدنا نقطش إيدين كل واحد بيحط بهية.. اذا جابت حاصل ونص وزائد حجزت مقعدين للائحة ..

رئيس بلدية انان: شيخنا ..مش عم يناموا الليل تفاجأت مبارح بروبير خوري في انان

نحنا بكل ضيعة منعرف شو عم يعملو.. بيدقولنا ناس من كل ضيعة وقت يكون الهم حركة فيها .

زيد ضاهر: بهية بتجي بالاحصاءات بالأول

يعني مش رح يطلع امين رزق

بتاخد الكاثوليكي

المختار الياس الحاج:اذا سليم جاب اكثر من روبير وامل ابو زيد جاب اكثر من أمين فأين المقعد الثاني ، هي أمنت تاهيلها للحاصل ونص يعني حاصلين ..نحنا عنا حاصل ونص وعنا 5000 زيادة..اذا بهية امنت حاصلين وروبير خوري معها جاب 3000 صوت وسليم جاب 7 الاف ..امين رزق600 او 700 صوت .. طار روبير وامين ..

زيد ضاهر :اللي بياخد اكثر شي للكاثوليكي بيربح الكاثوليكي ..اذا لائحتكم جابت 3 حواصل بتطلع لائحتكم وبهية واسامة ..عبد الرحمن ما بجيب حاصل …..اكثر اثنين بالموارنة بياخذو الموارنة واكثر اثنين بالسنة بياخذو السنة

المختار الحاج : اسامة شو بيجيب ؟

زيد ضاهر :لائحة اسامة بتجيب 1.7 حاصل

المختار الحاج : بهية لوحدها بتجيب 1.7 ونحنا خايفين منها اذا جابت اكثر

زيد ضاهر : كل واحد ما بجيب الحاصل بيطلع برا فبينزل الحاصل وبتستفيد بهية من نزول الحاصل . واذا بتجيبوا انتو 1.7 يعني بتطلع بهية واسامة وبدو يطير موراني من عندكم وفات الماروني والكاثوليكي عندكم

مختار انان : بيهمنا جزين بيت الرئيس وقلعة الرئيس بيهمنا جزين.

المختار الحاج : اذا القوات بآخر دقيقة سحبو عجاج وصوتوا لبهية بهيك حالة بتتغير الحسابات متل ما لعبوا بالألفين وتسعة بزحلة..بركي عاملينا هني والمستقبل من تحت الطاولة ليعطوا روبير خوري وبيحسبوه نائب للقوات بعد الانتخابات.

زيد ضاهر : القوات مش مقبولة بصيدا

المختار الحاج : صيدا ما رح تصوتلو لو اساسا ترشح على انو قوات ..

رئيس بلدية كفرجرة مارون شلهوب : انا رافقت بهية الحريري بعدة زيارات قامت فيها مؤخرا بالمنطقة وتفاجأت انو الخطاب شي .. والقاعدة بتهاجمها بتقلها نحنا اقرب للقوات من ميشال عون وبيهتوها انو سعد الحريري جاب ميشال عون رئيس

زيد ضاهر : خوفك بمحلو بالنسبة للقوات

المختار : بيكونوا شلحو روبير القميص القواتي بصيدا ولبسوه قميص المستقبل لبعد الانتخابات. الآن تمويه .بدنا الضو الأخضر يا شيخ ..

زيد ضاهر :هيدي انتخابات اساسها الحسابات ..

Lebanon debate

Comments

comments

You may also like

استشهاد عسكري وإصابة 6 آخرين أثناء ملاحقة أحد تجار المخدرات في الهرمل

بعيد منتصف الليلة الماضية أصدرت قيادة الجيش بيانا