اشتعل الخلاف بين فناني المهرجانات المصريين حمو بيكا وعمر كمال. وفي هذا الصدد نشر الأول على حسابه الخاص على “فيسبوك” صورة للأخير مع إشارة الشطب أو x حمراء كبيرة. وأرفق الصور بالتعليق: “يا ريت محدش يكلمني في شغل على الشخصية دي، عشان أنا كنت بحبها والشخصية دي بتتهرب من شغلي اللي خلاني اتفق عليه والاثبات بعد الصورة دي هنزل فيديو”، مضيفاً: “هو عامل بيحبني وهو بيكرهني. مع السلامة يا صحاب مزيفة”.
وتفاعل معه الكثير من المتابعين طالبين الحصول على المزيد من التوضيح. إلا أن هذا التعليق استدعى رداً سريعاً من عمر كمال من خلال بث مباشر على حسابه على الموقع نفسه وقال: “أنا تحملت كثير جداً إهانات بعض الناس، لكن أنا ممكن أطلع أقولك يا أبو كرش لكن كل دي إهانات أنا ماليش فيها”.
وأضاف: “أنا أول أغنية أتربح من خلالها كانت من خلال أغنية انتي معلمة وكل الأغاني اللي قبل كده كنت بديها لحمو بيكا عشان يرفعها من خلال قناته ويكسب منها بما فيها أغاني كانت من إنتاجي أنا. والله مكنتش باخد فلوسهم لأني بكسب من زمان وسيبتك تاكل عيش”.
وتابع: “الشخص اللي بيتكلم عليا ده أول ما بينزل من إسكندرية بيجي على شقتي وواكلين عيش وملح مع بعض. اللي حصل إن وأنا قاعد عند الحلاق بتاعي ومعايا حمو فوجئت إنه جايب شخص بتاع فساتين وعايزنا نعمله إعلان من غير ما ياخد إذني. وأنا اتحرجت أرفض قدام الراجل، بس أنا مش عايز اعمل مهرجان لفستان فرح، أنا عايز اعمل فن كويس زي بنت الجيران وعود البطل وكل مهرجاناتي. وحتى بعد الاتفاق مدفعش ليا عربون ولا سألني تاخد كام على عكس ما بعمل معاه في أي فرح حد بيطلبه فيه. عيب تقول عليا إني صحبة مزيفة، أنا عمري ما كسبت من وراك، أنا سيبتلك 12 تراك كلت من وراهم الشهد. حتى العربية بتاعتك أنا اتصدرت أنا ومدير أعمالي عند المعرض عشان يقسطهالك وضمنتك في مليون و800 ألف جنيه، ولو كنت لوحدك مكنش حد هيديك عربية”.
لها
